الله يخربيت خلفة البنات اللي ودتنا في داهية دي كل شوية أسمع فلانه اتجوزت وفلانة حامل الكلام ده كله مش مشكلة المشكلة إن بسمع إن فلانة جابت جنة فلانة رزقت بشهد،بديعة،سناء الي أخره.
كل المواليد الجداد ما شاء الله بنات إما في واد يوحد ربنا كل البنات دي هنجيبلها عرسان منين؟؟؟؟ ويرجعوا يقولوا نسبة العنوسة بتترفع مهي لازم تترفع بشكل ده،ومن رائئ المتواضع يأما نعود للعصر الجاهلي ونؤد البنات أو نفتح نظام الإحتراف عندنا ونستورد عرسان من الدول الخارجية،مهي مصر كده كده بتستورد كل حاجة ماجاش علي الموضوع ده،وياريت يعملوها وزارة وتبقي اسمها عريس مستورد وهيبقي الإقبال عليها كبير ومش بعيد نتنازل عن الإنتاج الوطني ونتجه كلنا للمستورد،وسمعت ان مجلس الشعب عجبه قراري وهينفذوا الموضوع.
وأنا قاعدة بقرأ إحصائيات البنات وارتفاع نسبة العنوسة سمعت كده أخويا بيتكلم في التليفون وعمال يزعق،دفعني فضولي إ‘ني لازم اسمع بيقول ايه
ولاقيته فاتح الجعورة بتاعته:
انتي قرفتيني 85 ميسد كول ايه مش بتزهقي قلقتي نومي يابعيدة بطلي شغل الأطفال ده أنا مش قولتلك فركش بتجري ورايا ليه،وإذا كان علي هدية الفلانتين هابعتهالك ومش عايز أعرفك تاني
وتقريبا بحسي العاطفي استشفيت انه رزع في وشها السكة ولاقيته خارجلي يكمل الزعيق معايا
انتي يابت أنا خارج اشتري حاجة ماتفتحيش اللاب بتاعي عقابا ليكي عملتله باسورد مش هتقعدي عليه لمدة يومين لحد ماتتربي
(أنا طبعا ما قدرش اتكلم لحسن اليومين يبقوا تلاته
هو انت ليه كنت بتزعقلها في التليفون مش حرام عليك ايه المعاملة دي انت هتلقي زيها فين؟؟؟
قالي يابنتي انتو بعد كده هتبقوا نازلين عرض علي علبة السجاير يعني اشتري علبة وخد معها موزة ههههههه وبعدين انتو بقيتوا اكتر من الهم علي القلب يعني احب دي النهاردة قرفتني ورنت عليا 85 مرة اشوف غيرها
روحت قولتله اتصدق انك منحرف،راح قالي ده اخرك في الشتايم يعني؟ ايه منحرف دي،دي اتلغت من القرن 19 وامشي من قدامي بدل ما أقدم فيكي طلب احاطة ياخدوكي جنينة الحيوانات لحسن بيقولوا في شمبانزي هربان من الجنينة.
(روح يابعيد الهي يمسكوك تحري
وانا قاعدة بقرأ في عطيل لشكسبير حيث اللغة العربية الفصحي وإذا بجرس الهاتف يرن
أنا:من معي فالتفصح عن هويتك
ماما:الهي يرزقك بواحد أهبل يجننك أكتر ما انتي لاسعه
أنا:الصوت ده انا سمعته قبل كده،الدعوي دي ماتطلعش الا من أم كارها بنتها
ماما:ايوه انا امك ياموكوسة قاعدة عندك بتعملي ايه؟
أنا: لا ابدا بقرأ في عطيل لشكسبير
ماما:ده بدل ما تمسكيلك كتاب كيف تطبيخين ولا تفتحي قناة فتافتيت اتعلميلك تطبختين يمكن يجي ابن الحلال ونخلص
أنا:طيب افرضي اتعلمت الطبيخ وابن الحلال ماجاش ارجع مش بعرف اطبخ تاني ازاي
ماما:طيب قومي روقي الشقة لحسن في عريس مستورد جيبنهولك من الوزارة الجديدة
أول ما سمعت عريس ومستورد كمان،رميت السماعة وفي ساعتين كنت مروقة ومظبطة الشقة وفضلت مستنية ماما بالعريس المستورد وفضلت اتخيله من ألمانيا ذو شعر اصفر وعنده كريدت كارد ووصلت بخيالي لشهر العسل اللي قضناه في برلين هههههههه
ولاقيت الجرس بيرن وماما داخله عليا بعريس بس هو الصراحة مش شكل عريس أوصف تعليق يتقال عليه خله وراشق فيها زتونة بس مش مشكلة بكرة يطخن،المهم قعدوا واستريح من المشوار وبصراحة صعب عليا حضرتله غدا يرم بيها عضمه)تقريبا العضم قرب يخرج من جلده ده مش بيأكلوه في بلده ولا اي؟؟
ولاقيته بيقولي:
بس انتي احلي كتير من هاالصور اللي شوفتها وان عم اقلب في الصور اللي كانت مع والدتك شو هاالقمر ياناس
في عقلي بقول ده تقريبا اعمي وايه حكاية ها الصور وشو هاالقمر دي،ده شكله سوري يعاني بشار جبلهم عمي الوان
أنا:هو حضرتك سوري؟؟
هو:ايه نعم،انا من سوريا وهربت من اللي عم يجري من بشار الله يجيبله مصيبة فوق راسه وجيت هنا لما سمعت بحكاية استيراد العرسان هايدا تبعكم
أنا:هو حضرتك عندك شقة هنا
هو:لا وشو لازمتها الشقة طالما العروس هي اللي بتبغي الزواج
أنا:نعم نعم انت مش جايب شقة وجاي تتجوز
هو:ليش الصوت العالي ما بتعرفي العرض والطلب،وليش اشتري أنا الشقة ما بتسمعي هاالحين أن الشباب بقوا عملة نادرة،من وين راحوا تجيبوا عرسان،العروس من هاالحين هي اللي تشتري الشقة
أنا:خد بعضك واجري علي بلدك بدل ما اوديك انا هناك بصروخين في دماغك وساعتها هاتروح ع الاخرة
هو:انتو ليكوا عين تتكلموا كمان،ده انتو من كتركم ناقص يعلنوا يقولوا "أأنتم مع واحدة وخد اتنين عليها هدية"
أنا:انت مش كنت بتتكلم سوري دلوقتي
اخويا دخل وانا بزعق وبيسلم علي العريس السوري بيقوله ":ايه ياعم روحتلك المحل قالولي مش موجود
أنا لاخويا:انت تعرفه؟؟؟
اخويا:اه ده الحلاق اللي بحلق عنده
مالقتش نفسي غير في المطبخ بجيب مقشة وبالعصيا بتاعتها نزلت علي دماغ الحلاق لما جيبتله ارتجاج،قال سوري قال
عزيزي الشاب المصري الاصيل
مش علشان العدد بقي في اللمون،تحب النهاردة وتزهق فاتشوف غيرها بكرة وتقولي ما هما كتير،اهو نتسلي
لا معلش ياخويا انت وهو ،مش علشان بقينا كتير تفتكروا ان البنات مغفلين
بقلمي
بسبوسة..البرنسيسه
كل المواليد الجداد ما شاء الله بنات إما في واد يوحد ربنا كل البنات دي هنجيبلها عرسان منين؟؟؟؟ ويرجعوا يقولوا نسبة العنوسة بتترفع مهي لازم تترفع بشكل ده،ومن رائئ المتواضع يأما نعود للعصر الجاهلي ونؤد البنات أو نفتح نظام الإحتراف عندنا ونستورد عرسان من الدول الخارجية،مهي مصر كده كده بتستورد كل حاجة ماجاش علي الموضوع ده،وياريت يعملوها وزارة وتبقي اسمها عريس مستورد وهيبقي الإقبال عليها كبير ومش بعيد نتنازل عن الإنتاج الوطني ونتجه كلنا للمستورد،وسمعت ان مجلس الشعب عجبه قراري وهينفذوا الموضوع.
وأنا قاعدة بقرأ إحصائيات البنات وارتفاع نسبة العنوسة سمعت كده أخويا بيتكلم في التليفون وعمال يزعق،دفعني فضولي إ‘ني لازم اسمع بيقول ايه
ولاقيته فاتح الجعورة بتاعته:
انتي قرفتيني 85 ميسد كول ايه مش بتزهقي قلقتي نومي يابعيدة بطلي شغل الأطفال ده أنا مش قولتلك فركش بتجري ورايا ليه،وإذا كان علي هدية الفلانتين هابعتهالك ومش عايز أعرفك تاني
وتقريبا بحسي العاطفي استشفيت انه رزع في وشها السكة ولاقيته خارجلي يكمل الزعيق معايا
انتي يابت أنا خارج اشتري حاجة ماتفتحيش اللاب بتاعي عقابا ليكي عملتله باسورد مش هتقعدي عليه لمدة يومين لحد ماتتربي
(أنا طبعا ما قدرش اتكلم لحسن اليومين يبقوا تلاته
هو انت ليه كنت بتزعقلها في التليفون مش حرام عليك ايه المعاملة دي انت هتلقي زيها فين؟؟؟
قالي يابنتي انتو بعد كده هتبقوا نازلين عرض علي علبة السجاير يعني اشتري علبة وخد معها موزة ههههههه وبعدين انتو بقيتوا اكتر من الهم علي القلب يعني احب دي النهاردة قرفتني ورنت عليا 85 مرة اشوف غيرها
روحت قولتله اتصدق انك منحرف،راح قالي ده اخرك في الشتايم يعني؟ ايه منحرف دي،دي اتلغت من القرن 19 وامشي من قدامي بدل ما أقدم فيكي طلب احاطة ياخدوكي جنينة الحيوانات لحسن بيقولوا في شمبانزي هربان من الجنينة.
(روح يابعيد الهي يمسكوك تحري
وانا قاعدة بقرأ في عطيل لشكسبير حيث اللغة العربية الفصحي وإذا بجرس الهاتف يرن
أنا:من معي فالتفصح عن هويتك
ماما:الهي يرزقك بواحد أهبل يجننك أكتر ما انتي لاسعه
أنا:الصوت ده انا سمعته قبل كده،الدعوي دي ماتطلعش الا من أم كارها بنتها
ماما:ايوه انا امك ياموكوسة قاعدة عندك بتعملي ايه؟
أنا: لا ابدا بقرأ في عطيل لشكسبير
ماما:ده بدل ما تمسكيلك كتاب كيف تطبيخين ولا تفتحي قناة فتافتيت اتعلميلك تطبختين يمكن يجي ابن الحلال ونخلص
أنا:طيب افرضي اتعلمت الطبيخ وابن الحلال ماجاش ارجع مش بعرف اطبخ تاني ازاي
ماما:طيب قومي روقي الشقة لحسن في عريس مستورد جيبنهولك من الوزارة الجديدة
أول ما سمعت عريس ومستورد كمان،رميت السماعة وفي ساعتين كنت مروقة ومظبطة الشقة وفضلت مستنية ماما بالعريس المستورد وفضلت اتخيله من ألمانيا ذو شعر اصفر وعنده كريدت كارد ووصلت بخيالي لشهر العسل اللي قضناه في برلين هههههههه
ولاقيت الجرس بيرن وماما داخله عليا بعريس بس هو الصراحة مش شكل عريس أوصف تعليق يتقال عليه خله وراشق فيها زتونة بس مش مشكلة بكرة يطخن،المهم قعدوا واستريح من المشوار وبصراحة صعب عليا حضرتله غدا يرم بيها عضمه)تقريبا العضم قرب يخرج من جلده ده مش بيأكلوه في بلده ولا اي؟؟
ولاقيته بيقولي:
بس انتي احلي كتير من هاالصور اللي شوفتها وان عم اقلب في الصور اللي كانت مع والدتك شو هاالقمر ياناس
في عقلي بقول ده تقريبا اعمي وايه حكاية ها الصور وشو هاالقمر دي،ده شكله سوري يعاني بشار جبلهم عمي الوان
أنا:هو حضرتك سوري؟؟
هو:ايه نعم،انا من سوريا وهربت من اللي عم يجري من بشار الله يجيبله مصيبة فوق راسه وجيت هنا لما سمعت بحكاية استيراد العرسان هايدا تبعكم
أنا:هو حضرتك عندك شقة هنا
هو:لا وشو لازمتها الشقة طالما العروس هي اللي بتبغي الزواج
أنا:نعم نعم انت مش جايب شقة وجاي تتجوز
هو:ليش الصوت العالي ما بتعرفي العرض والطلب،وليش اشتري أنا الشقة ما بتسمعي هاالحين أن الشباب بقوا عملة نادرة،من وين راحوا تجيبوا عرسان،العروس من هاالحين هي اللي تشتري الشقة
أنا:خد بعضك واجري علي بلدك بدل ما اوديك انا هناك بصروخين في دماغك وساعتها هاتروح ع الاخرة
هو:انتو ليكوا عين تتكلموا كمان،ده انتو من كتركم ناقص يعلنوا يقولوا "أأنتم مع واحدة وخد اتنين عليها هدية"
أنا:انت مش كنت بتتكلم سوري دلوقتي
اخويا دخل وانا بزعق وبيسلم علي العريس السوري بيقوله ":ايه ياعم روحتلك المحل قالولي مش موجود
أنا لاخويا:انت تعرفه؟؟؟
اخويا:اه ده الحلاق اللي بحلق عنده
مالقتش نفسي غير في المطبخ بجيب مقشة وبالعصيا بتاعتها نزلت علي دماغ الحلاق لما جيبتله ارتجاج،قال سوري قال
عزيزي الشاب المصري الاصيل
مش علشان العدد بقي في اللمون،تحب النهاردة وتزهق فاتشوف غيرها بكرة وتقولي ما هما كتير،اهو نتسلي
لا معلش ياخويا انت وهو ،مش علشان بقينا كتير تفتكروا ان البنات مغفلين
بقلمي
ليست هناك تعليقات:
إرسال تعليق