أعرفكم بنفسي يابنات معاكم بسنت كمال ليسانس ألسن ألماني،الحمد لله لاقيت نصي التاني قمر يااخواتي قاعد جنبي أهو بس عمال يقلب في التليفزيون وماسك الريموت نفسي اعرف مستني ايه:ماداهيه ليكون عايز يشوف ننوسه ولا هيوفه أصل الرجاله دول ما حدش عارف دماغهم فيها ايه تقريبا صراصير بعيد عنكم.بس أنا اختارته من ضمن كتير اتقدمولي،ندهلي وقالي يابسنت أنا الدياسطي ههههههههههههههه احم احم:اه اسمه الدياسطي خليفه وماله الاسم يمكن يكون غريب شوية بس أنا قولت اسمه هتخلي البنات تطفش من حواليه,ومرة واحدة لاقيته مندمج اوي في التليفزيون ببص لاقيتها (لبنه) بتاعه الحياه الحمرا دي وكان الاتي
أنا :يعني علي الاقل راعي شعور مراتك واقلب هات برنامج تاني ما البرامج كتيره
هو:سيبنا بقي,سيبنا نشوف الناس بقي ياشيخة البت تقول للقمر قوم وانا اقعد مطرحك
أ نا :اه انت عايز تقول انها احلي مني انت اتعميت في عينك
هو :لا العفو انا اتعمشت في وداني بس وبعدين دي هتقول خبر دلوقتي عن المرشد انتي مش متابعه ولا ايه؟
أنا : لا والله إذا كان كده ماشي ظلمتك ياحبي
هو :في سره حبك برص يابعيدة
وبصوت عالي ده انتي اللي حبي ياقلبي
المذيعه : جاءنا هذا الخبر الهام
جاءتنا اخبارية من مصادر مؤكدة عن ارسال زوج مسكين بشكوه فريدة من نوعها للمرشد العام لجماعه الاخوان المسلمين "محمد بديع" مفاداها انه تزوج منذ عده سنوات وكانت الدنيا جميلة في عينيه ثم اسودت من افعال زوجته ويذكر انها عضو في الجماعه بل وعضو فعال وتذهب لحضور لقاءات سرية مشتبها انها تتراسل مع اعضاء التنظيم السري في افغانستان
ويذكر ان المرشد العام طلب عدم الافصاح عن هوية صاحب الرسالة علي الهواء مباشرة.
فاصل ونرجع مع حضراتكم
أنا : ده اكيد ملعوب عايزين يكرهوا الناس في الاخوان وبعدين ده لو كان صادق مطلعش وقال اسمه ليه
هو: مرتبكا والله ما حدش عارف الحقيقة فين
أنا :سيبك من الكلام الفارغ ده ايديك ياحبيبي علي 100 جنيه
هو :ده ليه ده ان شاء الله عايزهم في ايه
أنا :ده تبرع ياحبيبي لحماس وغزه عشان الحرب بهدلت الدنيا
هو " هي حماس دي هيسلحوها بفلوسي انتي مش لسه واخده مني 50 جنيه علشان الاحتفال بذكري استشهاد الشيخ ياسين
انا هاصرف عليكي ولا علي الجماعه ولا علي فلسطين
أنا :انا طبعا ياحبيبي هاعمل نفسي ما سمعتش حاجة فين الفلوس
هو :يعني انتي مش ناويه تسمعي الكلام وتقصري الشر وتسكتي
انا :لا ازاي ياحبيبي ده اللي ما تسمعش كلام جوزها..قطع لسان جوزها علي طول
هو: قومي اقرائ الجرنال وانا قايم اعمل شاي وجعتلنا دماغنا قومي
انا: بقراء الجرنال وانا باكل في نفسي
زوج يناشد المرشد
من زوج افتقر وراحت فلوسه علي الجمعيات الخيريه وحماس وغزه بناشد المرشد سلفني 100 جنيه اكمل بيهم الشهر علشان يعجب مراتي وخلي بالكم انا بشك انها من اعضاء التنظيم السري في افغانستان وعندها حبر سري
امضاء:الدياسطي خليفه
وفي اثناء صدمتي رن جرس الباب ودخل رئيس مباحث امن الدوله ومعه اذن بالقبض علي مشتبها ان اكون وراء تلك العمليات التي حدثت في مصر وكان وراءها القاعده في افغانستان
منك لله يادياسطييييييييييييييييييييييييييي
بقلمي
بسبوسه..البرنسيسه
ليست هناك تعليقات:
إرسال تعليق