عندي انترفيو جواز ياجدعان!!!!!!!!!!!!!!!!!!!!!!!!!!!!!!!!

صحيت الصبح علي اصوات عالية كالعادة:خناقة بين ماما واخويا بس هو ماكنش الصبح اوي  هو كان العصر وبيني وبينكم مطلعين عليا اسم في البيت كده كلام في سركم"كائن ينام ويتنايم"ههههههههههههههه.صحيت وانا بزعق هو الواحد مايعرفش ينام في البيت ده،في ايه؟؟؟؟؟؟؟؟؟؟؟ لاقيت ماما بتقولي اخيرا صحيتي.الحقي فيه في الجرنال اعلان عن انترفيو للبنات فقط بكرة الساعة 9 الصبح،قولتلها اخيرااااااااااااااا انترفيو شغل هاشتغل لولولولويييييييييييييي.قالتلي شغل ايه دول طالبين عروسة،واحد عامل اعلان عايز عروسة،قولتلها ايه المستوي الدنئ ده ايه الانحطاط الاخلاقي ده،ردت قالتلي الهي تتحطم عليكي سقف الشقة يابعيدة،خلينا نخلص منك.ايه ده ياجدعان في ام بالشكل ده؟؟؟؟؟؟؟؟؟؟.

طيب ياماما هما طالبين شروط ولا حاجة؟ قالتلي ماعرفش مش كاتبين،قولت في نفسي انا اجهز ورق التخرج وال سي فيه بتاعي واللي مانفعش في مكاتب الترجمة وفودافون ينفع في الجواز.طول الليل بقي بجهز في الورق واللبس اللي هاروح بيه ونمت علي امل اني اتقبل.نزلت الصبح في اتجاهي للعنوان اللي مكتوب في الاعلان وإذا بي-حلوة "وإذا بي "دي_ وإذا بي افاجأ بكميات البنات اللي واقفة فسألت الراجل انا جاية علشان الانترفيو اللي في الاعلان،بصلي اوي والدمعه هتفر من عينيه.اهااااااااااااا 20 الف قولتله انتو كمان بتاخدوا رشوة،قالي رشوة ايه رقمك في الكشف ال 20 الف قولتله نعمممممممممممممم!!!!!!!!!!!!!!!! ان شا الله عني ما اتجوزت.

اتصلت بماما اقولها علي المصيبة دي قالتلي خليكي ان شا الله تباتي 3 ايام هناك،قولتلها انا ممكن اموت هنا من الجوع ولا يضربوني قالتلي كده كده لو رجعتي انا اللي هاموتك فاموته بموته موتي شهيدة احسن.قولت في بالي اهو جهاد في سبيل الله،دخلت في الطابور وانا خايفة يكلوني ولا يضربوني بمطوه ولا حاجة ماحدش ضامن.المهم 4 ايام وانا واقفة في الطابور لحد لما الدور اخيرا جيه عليا بس بعد لما النظارة بقت نصين وشعري نصه خارج من الحجاب والشنطه اتنشلت منها المحفظه،المهم وصلنا للمعبر هههههههههههههههه.دخلت الانترفيو وقدمتلها الورق بصت فيه كده وقالت امممممممممم،وسالتني شوية اسأله وهي كالاتي:
بتعرفي تطبخي وايه هي هوايتك،كلمني عن نفسك شوية وام الاسئلة المحفوظة بتاعه كل الانترفيوهات.راحت قالتلي هانبعتلك رسالة علي الاميل بعد اسبوعين ،قولتلها نعم ياحبيبتي كان غيرك اشطر.هو النظام ده ورايا ورايا،انا جربت الكلام ده مع ايكو وفودافون وشركات مصر ومدارسها والاسبوعين بيبقوا سنتين. قالتلي هو النظام عندنا كده.مشيت وانا بقول نظام اسود عليكم.المهم روحت البيت وعلي التريقة بقي:لا فالحة في شغل ولا جواز ولا هباب.
وبعد اسبوعين لاقيت التليفون بيرن انتي نجحتي معانا من ضمن 50 بنت ولازم تيجي علشان العريس ينقي منكم.امي سمعت كده وزغرطت والشارع اتلم ولا كأن الفرح بكرة،نزلت اشتريت طقم جديد وروحت المقابلة الحاسمة,انا كنت اخر واحدة في الكشف ،كل واحدة تدخل تترفض وانا بقي فرحانة ههههههههههه.
واخيرا انا اخر واحدة هيندهوا اسمي,هاشوفه هاشوفههههه،ودخلت ورحت مصوته صويت لم الناس عليا،انا ماشفتش نفسي الا وانا ماسكه في رقبته عايزه اخنقه اصله طلع اخويا عامل اعلان من ورانا علشان يتجوز موزة حلوة ولما لقي اسمي في الكشف قال يعيش عليا شوية.
الهي يرزقك بواحدة حولة يابعيد
يعني ياربي لا انترفيو شغل نافع ولا جواز اعمل ايه بس ياربي

بقلمي

بسبوسه..البرنسيسه