يعني تلاقي الواد بتاع 6 ابريل نازل شتيمة في الاخوان واللي جابوهم أما الكائن الليبرالي العلماني سايب كل اللي بيجري في البلد ويقولك الاخوان هما السبب في ارتفاع درجة الحرارة اخوان مين ياابني اللي رفعوا درجة الحرارة ده عكاشة ياعبيط انت مش دارس ارصاد جوية،أما الاخوان نفسهم ياعني فجزء منهم مات في المعتقلات وجزء لسه معتقل وحبه ماتوا في الثورة وحبة اتصابوا ومابقوش نافعين تاني واللي باقي منهم بيجهز روحه وشنطته استعدادا لقانون الضبطية القضائية.
طيب أنا راضية ذمتكم انا كفتاه اخونجية جديدة في الجماعة المطلوب مني اعمل ايه دلوقتي مافيش عريس عدل عليه القيمة
يعني،قولت اهدي كده وامسك الوضع السياسي الراهن في البلد واحلله يمكن نطلع بعريس
اولا الشاب الابريلي:كده كده 6 ابريل بتكره الاخوان مايغركوش حبه التوافق والوحدة الوطنية اللي ماشية في البلد اليومين دول الكلام ده حلاوة روح ومع اول مشكلة هيشتموا في بعض تاني فنبعد عن الجبهة الديمقراطية واحمد ماهر
ثانيا:نيجي بقي للشاب اللي قاطع الانتخابات بتوع حملة مقاطعون ده مافيش تفاهم معاه اصلا لان في حالة انه يعرف ان انا اخوانجية ممكن يولع في المكان ومش هانخد منه غير يسقط يسقط حكم المرشد واكيد هيتهمني بأني بعت دم الشهدا وخونت الثوار فضلا عن التمويل القطري الامريكي الصهيوني الحمصي المنجاوي وعلي ايه بلاش نفكر في اللي قاطع الانتخابات
ثالثا:نبص شوية علي بتوع المناضل حمدين صباحي اهو واحد مننا علي الاقل وكمان جزء من انصاره انتخبه الاخوان بعد ما خلصوا انتاج اللمون المحلي اللي في البلد يمكن يكون فيهم الامل
ومن خلال تحليلي الشخصي لمؤيدي حمدين فدول بقي رفضين الدولة الدينية ويطالبون بقيام الدولة الحرة المستقلة الحديثة علي غرار ما فعله حمدين في الدولة بتاعته وفي ناس فاهمه أنا اقصد دولة ايه :P^_^
فضلا عن انهم بينددوا ايضا بحكم المرشد وفي منهم مصدق كلام الاعلام ان الاخوان بيوزعوا ترامادول ودماغهم عالية اووووووووي مما خوف البعض من الاتصال بالاخوان لحسن الاعلام يتهم بتعاطي المخدرات والاتجار فيها
وعلي ايه نجيب للناس مصيبة
رابعا:لو اتكلمنا شوية عن الشاب العلماني بتاع فصل الدين عن الدولة من شأنه ان يفصل الدين عن امور المنزل يعني نروح نصلي في الشارع بقي ولا ايه ههههههههههه فكرت شوية قولت يمكن الواحد يعرف يتوبه ونقنعه نصلي في اوقات العمل الرسمية اقصد المنزلية ونحاول نتلاقي زهنيا بس بصراحة فكرت لاقيته هيتهمني بالتخلف والرجعية وارتداء الحجاب ليس فرض وحركات وانتي عايزه تسوقي البلد أقصد البيت لورا ولعصور القتل وسفك الدماء وهيبقي نهار اسود عليه وعلي امه وعلي اللي في البيت فبلاش منه
خامسا:طيب يمكن مؤيدين البرادعي اللي يطلعوا ولاد بلد بس دول وجدت ان لا نقاش معهم حتي يكون البرادعي رئيسا للوزراء ولو بقي وزير ممكن يولوعوا في رئاسه الوزراء ويعتصموا عند القصر الجمهوري
ايه ده ياجدعان يعني مافيش عريس خالص في ام البلد دي مافيش قدامي غير بتوع شفيق واحنا اسفين يازعبلة اقصد ياريس بس لاااااااااااااااااااااااااااااااااااااا ده كائن بيحب الذل ولا يريد التغيير ويمكن نتخانق ونمسك في بعض واشتمه وعلي ايه كفاية نص البلد بتشتم فيه هيبقي انا والناس .
علشان كده وبعد تفكير عميق وجدت ان انسب حل للخروج من الازمة الراهنة هي الحديث عن العريس التوافقي يعني
يكون ليبرالي اه بس عارف دينه كويس يدعو للدولة الحرة اه بس اللي اتحافظ علي عادتنا وتقاليدنا
يكون بيحب البرادعي وحمدين اه بس مش بيكره المرشد ولا اسامة ياسين
من الاخر يكون توافقي ههههههههههههههههههههههه
بقلمي
بسبوسه..البرنسيسه
ليست هناك تعليقات:
إرسال تعليق