اعترافات خطيرة(بحبه ياناس)

ازيكم النهاردة ياجماعه عاملين ايه؟ اخباركم ايه،مافيش جديد يعني حد خطب،اتجوز،طلق،مات كده يعني؟؟ ما علينا أنا جايلكم النهاردة عايزه اعترفلكم بحاجة مش بتيمني الليل،أنا جويا حاجة بتكبر يوم بعد يوم،شيفاكم مبرئين وحالتكم هباب،وسمعه الخفيف والخفيفة بيقولوا(ايه بتكبر يوم بعد يوم دي ما تقولي حامل وخلصينا)
لا يابابا انت وهي مش حامل،أنا بتكلم عن كميا من نوع خاص،يعني سرحان وتفكير ما داهية لا يكون ده اللي اسمه....؟؟؟؟، لا لا مش معقولة أينعم أنا بفكر فيه كتير وبحس باانجذاب أوي لما ألمحه عند أي حد ولا في أي حته ،كل الناس قالولي يابنتي كفاياكي كده الموضوع ده مش جايب همه وأنا أبداااااااااا مافيش فايدة،اعمل ايه بس ياربي والله ده حب برئ طاهر،لم يتخلله..حلوة يتخلله دي هههههههههههههه...أي حاجات وحشة ولا قازورات من اللي بنشوفها اليومين دول..بس تفتكروا هو بيحبني أوي زي ما أنا بحبه كده؟؟ والله ان ماعرفش النهاردة بكره مسيره يعرف.
طبعا أنا حاسة بيكم وشيفاكم،عينكم باظه لبره عايزين تعرفوا اسمه،وعمالين تقولوا ما تقولي اسمه بقي طيب،واحد نعرفه؟؟ صاحبنا يعني طيب ولا مين؟؟؟؟؟؟؟؟؟؟؟؟؟ مين اللي القائد بنفسه بيحبه؟؟؟

ماتستعجلوش هاقلوكم

هو حد كده ليه طالة واسمه دايما بيبان من عنوانه علي طول اذا كان رومانسي ولا فرفوش مش راسي علي حل وانا بحب النوعيات دي ،اعمل ايه بس،بحبه اوي بس ياريته كان ينطق،ياريته كان يحس زيينا كده علشان اقوله أنا بحبككككككككككككككككككككككككككككككك

عارفين أنا بحب مين؟
(بحب كتابي)،بحب كل سطر فيه،بحبه مهما كان رومانسي ولا درامي ولا اجتماعي او حتي سياسي،بحبه لانه دايما جنبي لا عمره هيقولي نسيب بعض ولا عمره هيقولي لحد هنا وستوب (اللي هي بالانجلش (stop) ) هههههههههههههههههههههه

نأبكم طلع علي شونة معلش يمكن تصيب المرة اللي جاية

بقلمي

بسبوسه..البرنسيسه